Wëllkomm am Schlasspesch
Mëtten am Häerz vu Miersch ass den Terrain Schlasspesch net nëmmen d’Heemecht vun der éischter Ekipp vum FC Marisca Miersch mee stellt gläichzäiteg fir d’Leit vu Miersch de sozialen Treffpunkt um sonnden Mëtteg duer. Sief et einfach nëmmen fir e Patt drénken ze kommen an sech mat den Matbierger auszetauschen, iwwer de Fussball ze diskutéieren oder souguer lautstark de Marisca ze ënnerstëtzen, hei ass fir all Art vu Supporter eng Plaz.
Terrain synthétique “rue des Près”
Hei trainéieren a spillen eis Jugendekippen, grad wéi och eis zweet Ekipp. Bal all Dag gesäit een hei Kanner, Jugendlecher, Trainer, Elteren a Spiller zesummekommen. Et ass déi Plaz, wou vill vun eise Spiller hir éischt Schrëtt am Fussball maachen an wou si Woch fir Woch léieren, sech verbesseren an zesummen als Ekipp wuessen.
