Äert Kand huet Loscht op Fussball, Beweegung an eng flott Zäit mat anere Kanner? Da sidd Dir beim FC Marisca Miersch genee richteg.

Bei eis geet et net nëmmen ëm Goaler, Victoiren oder Resultater. Et geet dorëms, zesummen ze léieren, sech weiderzeentwéckelen, Frëndschaften ze schléissen an d’Freed um Fussball ze entdecken. An eise Jugendkategorien kritt all Kand d’Méiglechkeet, a sengem Tempo ze wuessen, sech anzebréngen an Deel vun enger staarker Ekipp ze ginn.

Eis Trainerinnen an Trainer begleeden d’Kanner mat vill Engagement, Gedold a Freed um Sport. Dobäi leeë mir vill Wäert op Respekt, Teamgeescht, Fairplay an eng positiv Atmosphär, an där sech all Kand wuel a wëllkomm fillt.

Als Veräin Mëtten am Zentrum vu Miersch ass et eis wichteg, datt d’Kanner net nëmmen Fussball spillen, mee och e Gefill vu Gemeinschaft erliewen. Beim FC Marisca Miersch si mir méi wéi just e Fussballveräin. Mir sinn eng Plaz, wou Kanner zesumme laachen, léieren, kämpfen, feieren an onvergiesslech Momenter sammelen.

Wann Äert Kand Loscht huet, Deel vun eiser Marisca Famill ze ginn, da mellt Iech gären bei eis. Mir freeën eis drop, Iech an Äert Kand geschwënn um Terrain begréissen ze däerfen.