Wat musse ech machen fir mäi Kand beim FC Marisca unzemelden?

Kommt mat ärem Kand op een vun den Traininger vun senger Kategorie. Hei kritt dir en Dossier d’inscription mat heem. Ärt Kand kann direkt während 2 Wochen mattrainéiren ouni sech definitiv anzeschreiwen. Sot w.e.g eis Bescheed wéini dir fir d’1. wellt op den Training kommen : info@fcmarisca.lu

Bis wéini kann ech mäi Kand aschreiwen?

Fir d’Hironn muss ärt Kand bis den 15. Oktober ugemeld gin. Dono besteet tescht dem 15. Januar an 15. Februar d’Méiglechkeet ärt Kand fir d’Reckronn unzemelden.

Wéini ass mäi Kand definitiv ageschriwwen?

Ärt Kand ass definitiv ageschriwwen, wann der den kompletten Dossier d’inscription ofgin huet an d’Cotisatioun vun 125 Euro iwwerwisen huet.

A wéi enger Catégorie spillt mäi Kand?

2015 – 2016 : Bambini
2013 – 2014 : Pupilles
2011 – 2012 : Poussins
2009 – 2010 : Minimes
2007 – 2008 : Scolaires
2005 – 2006 : Cadets
2003 – 2004 : Juniors

Wou fannen Traininger statt?

An der Regel trainéiren all d’Catégorien um syntheteschen Terrain an der rue des prés statt. Am Wanter sin Traininger deelweis an der Hal.

Wat muss mäi Kand vu Material hun fir duerfen matzetrainéiren?

Fussballsschung
Fussballsstremp
Schienbeinschoner
e Bidon mat Waasser
Sportskleedung déi dem Wieder ugepasst

Bräuch mäi Kand direkt di ganz Sportsäusrüstung?

Fir di éischt puer Traininger musst dir nach net onbedengt Material kaafen. Ärt Kand kann do och einfach mat Turnschlappen an Sportskleedung mattrainéiren. Wann ärt Kand ganz ugemeld ass kritt et fir e klenge Beitrag e kompletten Satz un Trainingskleedung vum Veräin à Link Kleederlescht.

Vu weem gi meng Kanner um Training encadréiert?

Är Kanner gi vun äusgebilten Jugendtrainer vum FC Marisca encadréiert (mindestens 2 Trainer pro Training).

Wat muss ech machen fir eng Lizenz fir mäi Kand unzefroen (noutwendeg fir um Championat deelzehuelen)?

Dir musst d’demande d’affiliation , mat all den zousätlechen Dokumenter (Passfoto, Copie vun der Carte d’identité, Certificat de résidence) bei engem vun den Trainer oder dem Sekretär ofgin. Des demande fann dir am dossier d’inscription. D’Bambini bräuchen zousätzlech en certificat vun engem Pediater oder Generalist, dass sie kierperlech bei gudder Gesondheet sin an duerfen Fussball spillen. Spiller äus all den aneren Catégorien mussen ee R-V beim centre-médico sportif (-> Link examen médico) huelen an sech do ennersichen loossen.

Mäi Kand ass an der maison relais ageschriwwen, wéi kennt mäi Kand op den Training?

Ärt Kand gett vun den Educateuren äus der maison relais op den Training bruecht a wann néideg och nom Training rem ofgeholl.

Wéi sin d’Championnatsmatcher organiséiert?

Ween, wéini a wou mat wéi enger Equipe spillt gett iech vum Trainer 2-3 virum Match matgedeelt. D’Bambini, Pupilles, Minimes, Solaires an Juniors spillen an der Regel Samsdes, d’Poussins Sondes moies an d’Cadets Sondes mettes.

Trainingszäiten

BAMBINIS U7
Dienstag/mardi/tuesday : 16:00 – 17:00
Donnerstag/jeudi/thursday : 16:00 – 17:00